ඡායාරූපයක් ගන්නකොට, කාටවත් හිතාගන්න බැරි කෝණ වලින් ගන්න උත්සාහ කරන්න. ඒවගේ දේකින් ගොඩක් වෙලාවට කිසිම ලස්සනක්, ගතියක් නැති ඡායාරූපයක් ලස්සන ඡායාරූපයක් කරන්න පුළුවන්.

සාමාන්‍යයෙන් ඡායාරූපයක් ගන්නෙ පොළව මට්ටමට වඩා අඩි 5-6ක් ඉහළ මට්ටමේ ඉඳලනෙ. එහෙම ගන්න එපා, ටිකක් නිර්මාණාත්මකව හිතල, කාටවත් හිතාගන්න බැරි අමුතුම කෝණයකින් ඡායාරූපය ගන්න. ඒකෙන් ඡායාරූපයට ලස්සනක් වගේම අමුතුම වටිනාකමක් එකතු වෙනව. ඒකෙන්, තමුන් ඡායාරූපයට නගන වස්තුව කුඩා වීමක් හරි විශාල වීමක් හරි වෙන්න පුළුවන්. ඒ සමඟම එහි අගයත් වැඩි වෙනව.

උදාහරණයක් විදිහට, ඔයා ඡායාරූපගත කරන වස්තුව අනුව ඒක, Bird’s eye view (කුරුල්ලෙකුට පෙනෙන හැටි, ඒ කියන්නෙ ඉහළින්) එකෙන් හරි worm’s eye view (පණුවෙකුට පෙනෙන හැටි, ඒ කියන්නෙ පහළ සිට) එකෙන් ගන්න පුළුවන්.

තව ටිකක් පැහැදිලි කරන්නම්, තවත් පොඩි උදාහරනයක් අරගෙන. ඔයාට ඔනෙ කියන්න කාන්තාවකගෙ ඡායාරූපයක් ගන්න. එයාගෙ මූනට කාමුක බවක් එකතු කරන්න පුළුවන්, එයාව Bird’s eye view එකෙන් ගත්තොත්. . නිරූපණ ශිල්පිණියන්ගෙ ඡායාරූප දැකල ඇතිනෙ, හුඟක් එහෙම ඡායාරූප අරන් තියෙන්නෙ මේ කියන ක්‍රමේට.

තව එකක් බලමුකො. ඔයාට ඕනෙ කියන්න පොඩි ළමයෙක්ගෙ ඡායාරූපයක් ගන්න, හැබැයි ඔයාට ඕනෙ එයාව ලොකුවට ගාම්භීර පෙනුමක් දෙන්න. එහෙනම් යන්න worm’s eye view එකට. අර ළමයට යෝධයෙක් වගේ පෙනුමක් හා ඒක බලනාට එහෙම හැඟීමක් දෙන්න ඒකෙන් පුළුවන්. ඕනෙම පොඩි දෙයක් ලොකු කරල පෙන්නන්න පුළුවන් මේ ක්‍රමේට.

සමාන ලිපි

• ක්ෂිතිජය සෘජුව තබා ගන්න (0)
• පසුබිම පිරිසිදුව තබා ගන්න (0)
• රාත්‍රී දර්ශන ඡායාරූපකරණය (9)
• පරිසර දර්ශන ඡායාරූපයට නැගීම (1)
• ක්‍රීඩා වල ඡායාරූප ගැනීම (0)

17 Responses to “නොසිතෙන කෝණ භාවිතා කරන්න”